عارفين حتة الرحمة اللي بتحس بيها ناحية شخص آذاك أوي
لما تلاقيه في موقف ضعف ؟
وشويه المبررات الي بتديها لإنسان قصر معاك
بس عايز توجدله مخرج ؟
لما بتقفش نفسك بتطلع مبررات وبتحاول ترجع قلبك تاني يحن
ساعات بتتهم نفسك ( بالعبط)
يالا ياعبيط من هنا يالي مهما يتعمل فيك بتسامح وتنسي
بس أقولكم حاجة... لو ده عبط خليكوا عُبط
خلوا قلوبكم لينة هينة مهما شافت من قسوة
خلوها لسه صاحيه عارفه تعيش وتحس
يمكن أنضف حاجة فينا حته العبط ديه سبوها موجودة
يمكن تحمي قلوبنا من قسوة مفرطة ،
وتحمينا من إننا نبقي حجارة مش بشر
قيمة الإنسان بتكمن في إنسانيته ورحمته مع الآخر
مافيش أي حاجة تانية ممكن تخلي لأي حد قيمة حقيقية ..
لا منصب ولا علم ولا فلوس ولا حسب ولا شكل ولا أي شيء،
كلها ممكن تضفي قيمة زائفة ..
لكن القيمة الحقيقية في الإنسانية
