في ناس قلبتلنا موازين الأمور
خلتنا نشك في نفسنا
نشُك إن الطبيعي نتعرض منهم للأذى
والاساءة طول الوقت
وإن عكس كده ده يبقى الدنيا راضية علينا أوي
خلونا نصدّق إن الافتراء هو الشيء السائد ..
وإن الكِذب منهج الحياة
وإن الحوارات والأساليب الملتوية
وعدم السلكان هو طبع البني آدمين
اضطرونا نفكر مليون مرة
قبل ما نقتنع بحرف من كلامهم
بقينا نستدعي "عقل" فوق عقلنا
لجل نفهم نتعامل معاهم بأنهو وش
خلونا ننسى إن في ناس صادقة
وناس أصيلة وناس بتخاف ربنا في المعاملة
وناس بتوعد ومبتخلِفش وعدها
شككونا في نفسنا
و في أصلنا الطيب وندمونا على حُسن نوايانا
خلونا نقف في يوم ونسأل هو احنا فعلا وحشين
وصلونا إننا نستحل في نفسنا كل الأذى منهم كعقاب
على حسن الظن اللي كان في غير محله
احنا كل اللى بيحصل مننا اسمه رد فعل مش فعل
فـ لما تيجوا تعاتبونا علي تصرفاتنا
ابقوا ركزوا في أفعالكم الاول
إياكُم وسماع قصه من طرف واحد
لعل المُتظاهر بالملائكيه يكون هو الشيطان الرجيم
