الست لما بتحب
بتكون عندها ميزة رهيبة
وهي انها ب تسامحك مهما عملت من كوارث لا تغتفر
مهما كانت مصايبك معاها .. مهما خزلتها
هاتسامحك
غريزة الأم اللي جواها بتخليها تسامح
ساعتها انت الامان هياخدك ان مهما هتعمل فيها هتسامحك
عشان الحته دي
بس لازم تاخد بالك ان زي مافي ميزة حلوة اوي
في كمان عيوب صعبه اوي ركز فيها
اول عيب انها مش ها تنسى
لان عِند الطفلة اللي جواها بيخليها ما تنساش
اي تفصيله مهما كانت صغيرة هتفضل فكراها
فمتفتكرش ان اللي هي سامحت فيه مات و اتردم عليه
لا دي هتفضل فكراه كأنه لسه حاصل
لان كل ماكانت سريعة ف السماح هتكون صعبه ف النسيان
تاني عيب رصيدك بيخلص
زي ماعندها غريزة الأم وعِند الطفله في كمان كرامة الحبيبه
الحبيبه اللي مع كل مرة هتجرحها وتيجي عليها
هتتهز ثقتها ف نفسها هتحس ان كرامتها بيداس عليها
وكل مرة هتسامحك فيها متفتكرش ان حبك بيزيد عندها
لا دي كل مرة بتسامحك وهي من جواها بتقول هديله فرصة
فرصة يصلح فيها من نفسه ويعوضني عن حقي اللي سامحت فيه
وفرصة ورا فرصة هتلاقي انك خلصت رصيدك عندها
وممكن مع اهيف مشكله تواجهكم تلاقيها بتقولك
بالسلامة برا حياتي
متفرحش بقلب الأم اللي مخليها بتسامحك
متتماداش ف غلطك وتطمن انها دايما هتسامح
لان هيجي وقت وتسيبك من غير ولا كلمة عتاب واحدة
لو بتحبها بجد وخايف انك تخسرها بلاش تستقوي عليها
والعشم ياخدك اوي فتيجي عليها
صدقني صدمتك وهي بتقولك بالسلامة برا حياتي
هتندمك باقي حياتك
علي خسارتك قلب حبك بجد
