إوعي تقبلي ب علاقه قليله
ب علاقه متحسيش فيها إنك ملكه
وإنك مالكه الدنيا كلها في إيدك
متصدقيش اللي يقولك
مفيش رجاله زي بتوع الروايات والكلام ده
لا فيه رجاله أحسن من بتوع الروايات
فيه راجل بيشيلك فوق راسه
وبيخبيكي جوا عيونه ويغطيكي برموشه
إوعي تاخدي غير الراجل
اللي مستحيل ينام ويغمض عينه غير وإنتي كويسه
متاخديش اللي يخليكي تبصي علي علاقه تانيه بكسره
خدي اللي يجبلك قلبه علي طبق من دهب
متصدقيش كلمة مابقاش فيه رجاله
فيه رجاله تسد عين الشمس والله
بس إنتي إختاري كويس ودوري
إختاري اللي يحبك
ويحسسك بقيمتك ويشوفك ست الناس
واللي مايغلطكيش غير بينك وبينه
ويكبر بيكي قصاد كل الناس
اللي يرجعلك اخر كل يوم يحكيلك عن يومه
وياخد رأيك في كل حاجه
اللي يجبلك حتي ورده في عز إنشغاله
اللي يفتكرك وسط لما يكون عنده كل الهموم والمشاغل
اللي يريح قلبك ومايبصش ل ست غيرك
خدي اللي يحبك يحبك قوي
إنتي غاليه وتستاهلي الغالي
وهقولها تاني متصدقيش اللي يقولك مفيش رجاله
إختاري صح هتلاقي معاكي راجل تتحسدي عليه
من لا يتألم لا يتعلم
فالألم هو أقوى حافز للتغيير نحو الأفضل
الحب يعطي الاهتمام
والاهتمام يعطي الأمان
والأمان يعطي الرضا والسعاده
وانتَ مصدر كل هذا للمرأه
