تغور الدنيا قصاد انك تعيشي مع راجل

 

تغور الدنيا قصاد انك تعيشي مع راجل

حنين جدع كريم مخلص قادر يحتويكى ويكونك السند

انك تنامي مطمنه انك محميه من الدنيا

انك في عز المشاكل تعرفي تسكتي 

عشان بتحبي و تلاقيه بيقدر عشان فاهم ان سكوتك قوة

مش ضعف يقدر دموعك و طبطبتك عليه ووقفتك

جمبوا ف أزماته بكل ما تملكى

تغور التقاليد و العادات جمب انك تلاقي راجل

 يشوف عيوبك قبل مميزاتك و يقرر انه يعيشك زي ما انتي

يغور اي حاجه .. جمب ان بعد ٤٠ سنه

يكون في ضهرك السند 

 

 

لا تحزن على مرور عام من العمر

فمع العمر نخسر حاسة البصر لصالح قوة البصيرة

ومع العمر تتراجع نسبة قوّتنا الجسدية لصالح قدراتنا الفكرية

مع العمر يختفي اللون الوردي من وجنتينا

لتفوح رائحة الورود من كلماتنا

مع العمر تتراجع أنانيتنا لصالح اكتساب محبة ذوينا.

إذاً مع تقدّم العمر نحن ﻻ نخسر

بل نستبدل الخسائر.......بأرباح

 

 

 

 

 

الإمان

 

الإمان انك تكون مطمن ومش خايف

 انك تحس ان اللي قدامك مضلل عليك

 محاوطك من كل ناحيه

 حتي لو مش جنبك حقيقي

 بس حاسس بروحه حواليك

 حاسس بعنيه بتبص عليك وتحميك

 حاسس بايده و هي بتطبطب عليك

 في عز لحظات وجعك وخوفك

 إحساس اشبه و اقرب للامومة او الابوة

منه للحب العادي او المتعارف عليه

من وجهة نظري ان إحساس الامان دة أحلي

 واهم بكتير من الحب العادي

تلاقي نفسك بين ايديه علي طبيعتك

مابتتكسفش تبين ضعفك و دموعك قدامه

 بالعكس دة انت بتحس انك محتاج تكون كدة قدامه

 هو بالتحديد

بتحس اول مابتشوفه ان روحك بتهدي و قلبك

بيطمن ويرتاح بتحس انك عايز تجري ترمي نفسك في حضنه

 عايز تفضل ماسك ومتبت في ايده

انت في الاول و الاخر بشر

 بتحس و ليك طاقة و

ليك قوة تحمل

 ما ينفعش تبقي طول الوقت واقف

علي رجلك و حامي الكل و ساند الكل

طيب ما هو انت كمان محتاج اللي يحميك و يسندك

 محتاج اللي يحتويك و يستوعب ضعفك

من غير ما يستغل الضعف دة

محتاج اللي ترمي همومك بين ايديه عشان تقدر

تكمل و تشيل هموم غيرك

 الامان هو انك تبقي عارف ان في شخص في حياتك

 هيفضل موجود وانه جمبك وقت متحتاجه هتلاقيه جنبك

سند و امان ليك وانت ف أسوء حالاتك

 وانك وقت متختلف معاه تتكلم وانت عارف

 انه مش هيفهمك غلط وان مهما وصل الخلاف بينكم

تبقي عارف انه مش هيجرحك بكلامه

 لان في الاخر دا مجرد خلاف و هيروح لحاله

 انما انتوا مكملين

الامان انك متبقاش خايف وانت بتقول اللي جواك

الامان انك متحسش انك علاقتكم ببعض علي كف عفريت

لأ دا انت تبقي متأكد ان لو الدنيا كلها اتجمعت علي

انكم متكملوش انتوا تكملوا غصب عن اي حد

الامان انك تكون قاعد ومطمن

 وعارف انه هيدافع عنك لو وسط مليون واحد غلطوا في حقك 

 الامان هو نظره عين منه و كأنه بيقولك انا هنا

 انا موجود عشانك

انا فاهمك صح  و الاهم من كل دا انا مش ممكن اخذلك

الامان ان الشخص دا يطمنك بوجوده

مش يهددك بغيابه

 الامان والاحتواء هو اجمل احساس ممكن

تحسه في الدنيا

وشخص واحد بس اللي انت ممكن تلاقي نفسك حاسس

معاه بالأمان المطلق

مش بتلاقيه بسهولة  ممكن تصادفه في العمر مرة

 و ممكن ماتصادفوش خالص

بس لما بيحصل و تصادفه

و تلاقيه بجد .. بيكون

هدية من ربنا ليك

 كأن ربنا بيعوضك عن كل التعب اللي انت شوفته في حياتك

 و بيكافئك علي تحملك و صبرك و عطائك للاخرين

حتي و لو علي حساب نفسك

 بيبعتلك اللي يفضلك علي نفسه

 زي مانت فضلت الكل علي نفسك

 بيبعتلك اللي يحبك و يخاف عليك و يحتويك

 ويمد ليك ايده  زي مانت خايف عالكل و شايل هم

الكل ومادد ايدك بالمساعدة للكل

عوض ربنا مافيش احلي منه ..

و ربنا طول الوقت

بيبعتلنا رسايل و يعرفنا ان مافيش حاجة بتضيع ابداا

سواء خير أو شر

ربنا يعوضنا و يرزقنا جميعا بالناس اللي تكون لينا الامان

 و الراحة 

في زمن كله وجع

 

 

 

احذر من كسرة النفس

 

احذر من كسرة النفس لأنها " مؤلمة

فالله سيسألُك يوماً عن عينٍ أبكيتها

 وعن قلبٍ أوجعته

و عن روح كنت سبباً في فقدِها لأمانها وإطمئنانها

فأحذر أن يشتكيك أحد إلى الله

 

 

 

بصراحة ما ينفعش تبقى حياتك مش متظبطة

 وتكون بتمُر بفترة صعبة وكُلها ضغوطات ومع ذلك

حاشر نفسك وسط ناس ما بتعملش حاجة

 غير إنها بتضغط عليك زيادة

 إنتَ كدا حرفيًا بتدمّر نفسك

 في جُملة بتقول

"اِختار ناس تكمّل معاك مش ناس تكمّل عليك"

 وأظُن مَفيش أوضح من كدا.

 

 

 

ف نظري كلمه "انتي جدعه"

احسن بكتير من كلمه "انتي حلوه"

بنات كتير بتكتفي بان شكلها "حلو"

بتوجه كل تركيزها لشكلها

وكإن هو ده الانجاز اللي حققته في حياتها

فى حين ان الشكل دا ربنا اللي خلقه

وهي ملهاش اي دخل فيه

إنما اللي ليها فيه إنها تتحكم ف شخصيتها

المدح اللي من نوع " تفكيرك حلو،

أسلوبك كويس ف المناقشه شخصيتك قويه

انتي جدعه مخك كبير ، ناجحه انا معتمد عليكي

انا واثق فيكي؛كل ده كلام ف قمه الجمال

البنات اللي مركزه ف شكلها بس

مجربتيش ،انك تكوني محل تقدير من الناس

بسبب شخصيتك،أسلوبك احترامك اهم كتير اووي

من إنك تكوني حلوه،بس من جواكي فاضيه

شكلك بأيد ربنا واحترامك شخصيتك من الناس،بايدك انتي

شكلك هيزول مع الوقت

إنما الأثر اللي ممكن تسببه ف حياه الناس

وتقديرهم ليكي عمره ماهيزول