الشخص إللي بيقعد معاك
وهو عارف إنك أغلب الوقت ساكت
ومع ذلك بيقولك أنا بحبك حتى لو ما بتتكلمش
الشخص إللي مش بيتكلم كتير
ويقولك هو أد إيه بيعزك
لكن إنت بتلمس ده في رسالته بتاعه كل يوم
في سؤاله عن حالك
في مكالماته إللي مالهاش هدف غير إنه يطمن عليك
ويرغي معاك
الشخص إللي بيحكيلك يومه ومشاكله
وبياخد رأيك وبيعاملك إنك حاجة مهمة
الشخص إللي يوم ما بتحصلك مشكلة
بتحس إنه خايف عليك بجد
الشخص اللي واخدك على عيبك صاحب
وبيقولك خليك زي ما إنت
وبتعرف تكون معاه "إنت" بكل ضعفك وعيوبك
الشخص إللي مجرد وجوده في الحياة بيفرق
حتى لو هو مش موجود معاك حالا
الناس دي لا يملك الإنسان غير إنه يحبها
شكرا على نعمة وجودهم في الحياة
