في علاقات في حياتنا لما بتنتهي الواحد بيحس
انه كان عنده ورم وتم استئصاله
بيحس انه كان متخدر
وعمال يتأذي ويتظلم وخلاص ويصبر كتير
بيفتكر المواقف المؤذية ويندم انه سمح بعلاقة زي دي تتم
ويفضل يسأل نفسه ازاي حد زي ده مش شبهك خالص
لا في طباعك ولا فكرك ولا ثقافتك ولا أخلاقك
كان موجود في حياتك
فرق الاحساس رهيب فعلا بعد
ما تقفل باب الأذيه والظلم ده تفكيرك بيرجع صافي تاني
وعقلك بيعيد حساباته
وبتشوف في ذاكرتك تفاصيل العلاقة على حقيقتها
وبيظهر تاني حواليك الناس الحلوة اللي شبهك بجد
واللي من حبهم ليك بيتمنوا انك تكلمهم
وبتسأل نفسك ازاي من بين كل دول
سمحت بقرب الشخص ده
بعد ما بيتقفل الباب ده بيغلب عليك أحاسيس
زعل على نفسك
بمعنى انك بتفتكر الذكريات المؤلمة وبتزعل على نفسك
وانك مكنتش تستاهل ده
والزعل ده بينتهي مع الوقت
