انا اخدت قرار مهم فى حياتى
وهو انى حتعامل مع الناس حسب راحتى النفسية
وحعتبر راحتى النفسية سبب رئيسى لاستمرارى
فى اى علاقة من عدمه
اللى هو لو وجودك حيبقى لطيف وخفيف يااهلا
وسهلا بيك وحتلاقى منى كل الاحترام
ولو وجودك حيضغط على وحيرهقنى نفسيا
يبقى بالسلامة
ومش حتلاقى منى غير شخص بيحاول يحافظ على هدوئه
وسلامه النفسى بكل الطرق الممكنة
فيه علاقات
ماينفعش فيها غير المعاملة بالمثل
المثالية والإحتمال والتضحية
والقلب الطيب الحنين الكبير
اللي زى بحر ولا عمره بينقص ولا عمره بيخلص
ودايماً بيسامح من غير تفكير
وشغل الاغاني ده مش هياكل معاها !!
لإن ببساطة الطرف التاني مبيقدرش ده ولا بيفهمه
فابعد باللى فاضلك من سكات ..
ربنا يكفينا شر الطرق اللي مش باينلها اخر
و شر الناس اللي قلوبهم مبتحنش ونفوسهم مش نضيفه
وشر الأحضان البارده اللي مبتطمنش
و شر الوعود المزيفه اللي بتتبخر في الهوا
وشر العيون الكدابه والطبطبه المصطنعه
وشر المشاعر لما تستهلك والقلب لما يضلم
وشر الملامح لما تبهت
وشر الخاطر لما ينكسر
و الضحكه لما متكونش بجد
و الوحده وسط لمة الناس الغلط ،
و الناس اللي زى قلتهم و السند لما يبقى حياطه مايله
و الذكريات اللي بتموت
والناس اللي بتدمر الماضي و بتبوظ المستقبل
وقلة الأصل والنداله لما تبقى عادة
و خوفك اللي من كل حاجة و أي حاجة
و تعلقنا ب الناس الغلط اللي مش لينا و مش شبهنا
ربنا يكفينا شر المستخبى في هيئة حاجات بنحبها
لكن مؤذيه لينا
