وانت عايش هتلاقى نفسك بتقع فى اختبارات كتير
ربانيه ودنياويه
هتظلم وهتتظلم هتيجى على حد وحد هيجى عليك
وممكن تخون وممكن تتخان وممكن تغدر وممكن يتغدر بيك
وممكن تبيع وتتباع
وهكذا لحد ما تتعلم وتتوجع
وتدفع تمن دروسك واختبارتك دى بالغالى
ومن بعدها يا اما بتبقى انسان ناضح وفاهم
وممكن تبقى انسان صالح وتبقى قدوه حسنه لغيرك
يا اما بتبقى انسان فاسد وفسادك اتمكن من روحك
واتلف انسانيتك ويبقى صعب عليك بعد كده
انك تفوق لنفسك وتصلح ما اتلفه الزمن
ف انا حاببه اقولك طالما دفعت التمن غالى
يبقى قرر انك تبقى انسان صالح وقدوه لغيرك
وصدقنى
مفيش اجمل من انك تكون انسان نضيف
مش عارف دي ميزه ولا عيب
بس بقيت بقدر استغني عن اي حد ف اي وقت
مهما كان درجة تعلقي بيه لمجرد انه اتعمد يضايقني
او يأذيني او اني مبقتش افرق معاه
وبقدر اسيطر علي مشاعري
وبمحيه من حياتي ف ثانيه
التقدير ده شئ عظيم وكلنا نحب نتقدر ونقدر
بس فكرت كده فى بعض العلاقات
لقيت ان التقدير بيتقلب لتكدير
يعنى شاب هيتقدم للبنت اللى بيحبها فيطالبوه
بطلبات فوق طاقته
ف البنت تقوله لو بتحبنى وبتقدرنى يبقى تتصرف
وتلبى طلباتى
عيد ميلاد خطيب واحده فتلاقيها بتستلف
وتشترى حاجه غاليه وممكن تكمل الشهر ب ميه جنيه
علشان خطيبها يقول انها قدرته زى ما عمل معاها
ومتبقاش اقل منه بس ده غلللط
احنا كده بنضغط فى بعض وبنحمل بعض
وده مش تقدير ده تكديير
بتجامل حد من اخواتك او اقاربك فى اى مناسبه عنده
وتكون المناسبه دى فى نص الشهر فتجامله بمبلغ او هديه غاليه
وتيجى على نفسك علشان ميتقالش انك مبتعرفش فى التقدير
عايز اعرف بقى هو من امتى التقدير كان بالفلوس الكتير
اللى اعرفه ان التقدير كان ممكن يكون بكلمه حلوه
او بوقفه جدعنه من اللى ميعرفوش يعملوها العيال الفرافير
اللى بيجاملو بعض بالهدايا الغاليه
ويقولولك احنا والله غيير
لما قالو ان التقدير خسرنا كتير حسبوها بالاله الحاسبه
مش بالمواقف والجدعنه من ولاد الاصول
مش بتوع الهدايا اللى بيجو وقت الجد
تلاقيهم زيهم زى السبريتو بيطير
احيانا بنكون عايزين تقدير ولو بكلمه حلوه
ومش عايزين تردو الجميل
تبقى النفوس الخبيثة خبيثة
ولو اعطيتهم من الود اطنانا
والله لو مطرت مية بكلور
نفوسكم وقلوبكم هتفضل سودة
ومهببة على دماغكم
