الحب مش سبب كافي لإننا نكمل
الجمله دي ادركتها بعد سنين
الحب مش سبب كافي لأي حاجة
يافرحتي لما تبقي بتحبني بس مش فاهمني
بتحبني بس مش عارف تخليني مبسوطه
بتحبني بس مش عارف تكتفي بيا
بتحبني وبينا مشاكل ملهاش حل!
ومفيش حاجة اسمها لو بيحبك مش هيعمل كذا وكذا
هي مش قواعد
اكتر ناس ممكن تقرفك في عيشتك هما الي بتحبهم وبيحبوك
الحب ونقطه مش كفايه
التفاهم اهم من الحب
الأمان اهم من الحب الثقه اهم من الحب
انك تبقي مطمن انك مش هيتغدر بيك
وتتساب مع اول مشكله اهم بكتير من الحب
انك تبقي نايم عارف انك لا هتتخان ولا هتتهان
دا اهم من الحب
الراحه انك تبقي مرتاح في طريقتك لا بتتصنع
ولا بتترسم ولا في تكاليف علي اسلوبك
دا اهم من الحب
الحب مشاركة مش امتلاك
الحُب انك تشاركني واشاركك كل حياتنا سوا "سوا"
الاهتمام اهم من الحب
الاحترام اهم من الحب
التفاهم اهم بكتير من الحب
الناس الي يقدرو يوفرولنا حياة هادية
وفيها تفاهم وأمان وراحة
هما دول الي يستاهلو الحب هما دول الي هنكمل بيهم
لا تُقبلي على الزواج إلا بمن رأيتِ فيه الرجولة مكتملة
ديناً وطبعاً وخُلقاً
بمن يكون رفيقك الساند وصاحبك الناصح
رجُلاً يستنبط موضع آلامكِ ليغزوها بالأمل والأمان
رجُلاً يعلم ما أوصاهُ به ربه وأنتِ إحدىٰ وصاياه
بمن يخفقُ قلبه رحمةً ومودة فيكون برداً وسلاماً عليكِ
بمن تواجهين به العالم
بمن يرى فيكِ كل نساء العالم
رجلاً يكون أباً وأخاً وصديقاً وإبناً
لا تُقبلي بمن يجعل منكِ خيبة تتلوها خيبات
لتكوني أمة هو سيدها
وإلا بقاؤك في بيت أبيكِ عزيزة خير لكِ .
الخناقات أفضل وقت
لاختبار متانة علاقتك بالقُريبين منك
مهما كانت علاقتكم قوية لازم هيجي وقت وتختلفوا
ده عادي وطبيعي جدًا
بس ده بيبقى وقت الامتحان الحقيقي
لمعدن وأصل كل واحد فيكم
الوقت اللي تقدر تقيس وتحكم فيه على مقدار الغلاوة
والخاطر اللي ليك عند اللي قُدامك
البشر بيبانوا في الزعل والخصام
وبيبان خلالهم مقدار القسوة اللي مستخبية جوه كل واحد
والنظرة الحقيقية الصادقة اللي محتفظ بيها الإنسان جواه تجاهك
الخناقات يا بتقوّي علاقتك بالقريبين منك
يا بتسطّحها وتنهيها بالتدريج
